وڭتۇستىك كورەيانىڭ ءۇش وڭىرىندە ورشىگەن ورمان ءورتى سالدارىنان توتەنشە جاعداي رەجيمى ەنگىزىلدى. تابيعي اپاتتان ءتورت ادام قازا تاۋىپ، جۇزدەگەن تۇرعىن ەۆاكۋاتسيالاندى، دەپ حابارلايدى "ادىرنا" ۇلتتىق پورتالى.
Yonhap اگەنتتىگىنىڭ مالىمەتىنشە، 22 ناۋرىز كۇنى ساعات 18:00-دە توتەنشە جاعداي ۋلسان قالاسى، كيونسان-پۋكتو جانە كيونسان-نامدو پروۆينتسيالارىندا جاريالانعان.
"ورتتەن ءتورت ءورت ءسوندىرۋشى كوز جۇمدى. تاعى التى ادام، سونىڭ ىشىندە ءبىر جەرگىلىكتى تۇرعىن زارداپ شەكتى. 500-گە جۋىق ادام جاقىن ماڭداعى اۋىلداردان ەۆاكۋاتسيالاندى. 260 ادام باسپاناسىنان ايىرىلىپ، ۋاقىتشا ورنالاستىرۋ ورتالىقتارىنا كوشىرىلدى", – دەپ حابارلايدى اگەنتتىك.
ءورت 21 ناۋرىز كۇنى سانچحون ۋەزىندە باستالعان. سەنبى تاڭىندا ونىڭ 70%-ى سوندىرىلگەنىمەن، قاتتى جەل سالدارىنان بۇل كورسەتكىش قايتا 35%-عا دەيىن تومەندەدى.
تابيعي اپات ورىن العان اۋدانداردا تەمىرجول قاتىناسى ۋاقىتشا توقتاتىلىپ، جوعارى جىلدامدىقتاعى تاس جولدار جابىلدى.
