توتەنشە جاعدايلار ءمينيسترى شىڭعىس ءارىنوۆ توتەنشەلىكتەردىڭ 90 پايىزى پاتەرگە مۇقتاج ەكەنىن ايتتى، دەپ حابارلايدى "ادىرنا" ۇلتتىق پورتالى.
ۇكىمەت وتىرسىنان كەيىن جۋرناليستەر «ءسىز مينيستر بولىپ كەلگەندە «ەڭ باستى ماسەلە قۇتقارۋشىلاردىڭ پاتەر ماسەلەسى» دەگەن ەدىڭىز. قانشا قۇتقارۋشى پاتەرگە ءزارۋ جانە وعان بيۋدجەتتەن قانشا قارجى ءبولىنۋ كەرەگى تۋرالى ەسەپ بار ما؟» دەپ سۇرادى.
«قازىرگى تاڭدا مينيسترلىك تاراپىنان بارلىق قاجەتتى شارالاردى قابىلداپ جاتىرمىز. بۇكىل قاجەتتى كەلىسىمدەر بار. بىراق زاڭ تۇرعىدان ءالى بۇل سۇراقتى شەشكەن جوقپىز. ءبىزدىڭ ويىمىزشا، قىركۇيەكتەن باستاپ پارلامەنتكە زاڭعا ارنايى وزگەرىستەر ەنگىزەمىز. ەڭ باستى ماسەلە – تۇرعىن ءۇي تولەمدەرىن الۋ. ءبىزدىڭ جوسپار بويىنشا كەلەسى جىلدىڭ ءبىرىنشى قاڭتارىنان باستاپ وسى ماسەلەنى شەشەمىز دەپ ويلايمىن. جالپى توتەنشەلىكتەردىڭ 90 پايىزى پاتەرگە مۇقتاج دەپ سانايمىز. ءبىزدىڭ قىزمەتكەرلەردىڭ كوبىسى تۇرعىن ۇيگە مۇقتاج، سوندىقتان ەڭ باستى ماسەلە وسى بولىپ تۇر»، – دەدى مينيستر.
