تۇركيا پرەزيدەنتى رەجەپ تايىپ ەردوعان ىستامبۇلدا ناۋرىز مەرەكەسىنە وراي ۇيىمداستىرىلعان شاراعا قاتىستى، دەپ حابارلايدى «ادىرنا» ءتىلشىسى.
Haberler باسىلىمىنىڭ مالىمەتىنشە، مەملەكەت باسشىسى 21 ناۋرىزدا حاليچ كونگرەسس ورتالىعىندا جينالعان ازاماتتاردى مەرەكەلەرىمەن قۇتتىقتاعان.
«21 ناۋرىزدى كوكتەم مەن باۋىرلاستىق مەرەكەسى دەپ جاريالاۋدى ۇسىنامىن. مەن پرەزيدەنت رەتىندە بۇل ۇسىنىستى پارلامەنتكە ۇسىنۋعا دايىنمىن. مامىر ايىندا ۆەنگريادا وتەتىن سامميتتە ناۋرىز مەرەكەسىن تۇركى الەمىنە ورتاق مەرەكە رەتىندە اتاپ ءوتۋ باستاماسىن كوتەرەمىز. باۋىرلاس ەلدەر بۇل ۇسىنىستى ماقۇلداپ، ناۋرىز بىرلىگىمىز بەن ىنتىماعىمىزدى نىعايتۋعا قىزمەت ەتەتىن تۇركى الەمىنىڭ ورتاق مەرەكەسىنە اينالادى دەپ ۇمىتتەنەمىز»،—دەدى ول مەرەكەلىك شارادا سويلەگەن سوزىندە.
سونداي-اق پرەزيدەنت مەرەكەلىك ناۋرىز وتىن جاعىپ، ونىڭ ۇستىنەن سەكىرىپ ءوتتى. ءراسىم بارىسىندا قازاق كومپوزيتورى تالعات سارىباەۆتىڭ مۇقاعالي ماقاتاەۆتىڭ سوزىنە جازىلعان «ناۋرىز-دۋمان» ءانى شىرقالدى
