Túrkııa prezıdenti Rejep Taıyp Erdoǵan Ystambulda Naýryz merekesine oraı uıymdastyrylǵan sharaǵa qatysty, dep habarlaıdy «Adyrna» tilshisi.
Haberler basylymynyń málimetinshe, memleket basshysy 21 naýryzda Halıch kongress ortalyǵynda jınalǵan azamattardy merekelerimen quttyqtaǵan.
«21 naýryzdy kóktem men baýyrlastyq merekesi dep jarııalaýdy usynamyn. Men prezıdent retinde bul usynysty parlamentke usynýǵa daıynmyn. Mamyr aıynda Vengrııada ótetin sammıtte Naýryz merekesin túrki álemine ortaq mereke retinde atap ótý bastamasyn kóteremiz. Baýyrlas elder bul usynysty maquldap, Naýryz birligimiz ben yntymaǵymyzdy nyǵaıtýǵa qyzmet etetin túrki áleminiń ortaq merekesine aınalady dep úmittenemiz»,—dedi ol merekelik sharada sóılegen sózinde.
Sondaı-aq prezıdent merekelik Naýryz otyn jaǵyp, onyń ústinen sekirip ótti. Rásim barysynda qazaq kompozıtory Talǵat Sarybaevtyń Muqaǵalı Maqataevtyń sózine jazylǵan «Naýryz-dýman» áni shyrqaldy
