بەلگىلى جازۋشى، ستسەناريست، قازاقستان حالقىنىڭ ەڭبەك سىڭىرگەن قايراتكەرى نۇرلان سانجار وكپەنىڭ قاتەرلى ىسىگىنە شالدىققان. 21 ناۋرىزدا ول جانساقتاۋ بولىمىنە تۇسكەن، دەپ حابارلايدى «ادىرنا» ءتىلشىسى orda.kz-كە سىلتەمە جاساپ.
بۇعان دەيىن نۇرلان سانجار جۋرناليستەرگە بەرگەن سۇقباتىندا ءوزىنىڭ قيىن جاعدايدا ەكەنىن جەتكىزدى. ايتۋىنشا، ۇلى مۇگەدەك، ال جۇبايى اۋىر وتا جاساتقان.
«مەنىڭ دارىگەرىم بۇل ماسەلەنى زەرتتەپ جاتىر. ءيا، ەندى اشىق ايتۋعا بولادى. باستى ماقساتىم – ايەلىم مەن ۇلىم ءۇشىن ءتىرى قالۋ. جاعداي وتە اۋىر. سوزىلمالى وبسترۋكتيۆتى وكپە اۋرۋىنىڭ (حوبل) 4-ءشى ساتىسىندا ءومىر ءسۇرۋ ۇزاقتىعى ورتا ەسەپپەن العاندا جارتى جىلدان ءبىر جىلعا دەيىن عانا. ماعان قوعام مەن بيلىكتىڭ كومەگى اۋاداي قاجەت»، — دەدى ول.
جازۋشى اۋرۋىن جەڭىلدەتىپ، ءومىرىن ۇزارتۋعا كومەكتەسەتىن ەكى جول بار ەكەنىن جەتكىزدى. ءبىرى – ءدىڭ جاسۋشالارىن ترانسپلانتاتسيالاۋ، بىراق بۇل بىرنەشە جىلدى قاجەت ەتەدى. ونىڭ ۇستىنە، كەيىن قاتەرلى ىسىك قايتا پايدا بولۋ قاۋپى جوعارى. ەكىنشىسى – استانادا ترانسپلانتاتسيا جاساۋ، بىراق ول ءۇشىن قانشا ۋاقىت كۇتۋ كەرەكتىگى بەلگىسىز. دونور تابىلماي قالسا، بۇل دا ومىرگە قاۋىپ توندىرەدى.
ايتا كەتەيىك، نۇرلان سانجار – ەۋروپاداعى Lambert اكادەميالىق باسپاسىنان التى عىلىمي كىتابى جارىق كورگەن عالىم، «جوشى»، «باتۋ»، «پەرىشتە»، «قىزىل قار» روماندارىنىڭ اۆتورى.
