Belgili jazýshy, senarıst, Qazaqstan halqynyń eńbek sińirgen qaıratkeri Nurlan Sanjar ókpeniń qaterli isigine shaldyqqan. 21 naýryzda ol jansaqtaý bólimine túsken, dep habarlaıdy «Adyrna» tilshisi orda.kz-ke silteme jasap.
Buǵan deıin Nurlan Sanjar jýrnalısterge bergen suqbatynda óziniń qıyn jaǵdaıda ekenin jetkizdi. Aıtýynsha, uly múgedek, al jubaıy aýyr ota jasatqan.
«Meniń dárigerim bul máseleni zerttep jatyr. Iá, endi ashyq aıtýǵa bolady. Basty maqsatym – áıelim men ulym úshin tiri qalý. Jaǵdaı óte aýyr. Sozylmaly obstrýktıvti ókpe aýrýynyń (HOBL) 4-shi satysynda ómir súrý uzaqtyǵy orta eseppen alǵanda jarty jyldan bir jylǵa deıin ǵana. Maǵan qoǵam men bıliktiń kómegi aýadaı qajet», — dedi ol.
Jazýshy aýrýyn jeńildetip, ómirin uzartýǵa kómektesetin eki jol bar ekenin jetkizdi. Biri – diń jasýshalaryn transplantaııalaý, biraq bul birneshe jyldy qajet etedi. Onyń ústine, keıin qaterli isik qaıta paıda bolý qaýpi joǵary. Ekinshisi – Astanada transplantaııa jasaý, biraq ol úshin qansha ýaqyt kútý kerektigi belgisiz. Donor tabylmaı qalsa, bul da ómirge qaýip tóndiredi.
Aıta keteıik, Nurlan Sanjar – Eýropadaǵy Lambert akademııalyq baspasynan alty ǵylymı kitaby jaryq kórgen ǵalym, «Joshy», «Batý», «Perishte», «Qyzyl qar» romandarynyń avtory.
