ەردوعاننىڭ باستى قارسىلاسى، ىستامبۇل قالاسىنىڭ اكىمى، ساياسي ليدەر ەكرام يمامۇلى ۇستالىپتى...
ىستامبۇلدىڭ جاستارعا ارنالعان باي كىتاپحاناسىندا زەرتتەۋ جۇمىسىن جازىپ وتىرعانمىن. دوستىق راۋىشىندە، اعالىق قولداۋ قيسىنىندا بىرەۋ ارقامنان قاقتى. قاراسام - ەكرەم يمامۇلى. ىستامبۇل قالاسىنىڭ اكىمى.
بۇيرىق قوي. ايتپەسە، 25 ملن حالقى بار قالانىڭ اكىمىن كەزدەيسوق كورۋ قايدا... يمامۇلى قالاداعى كىتاپحانانى، كىتاپحاناعا ىنتىزار جاستاردىڭ قال-جاعدايىن بىلمەككە كەلىپتى.
ورنىمنان اتىپ تۇردىم. امانداستىق. شىنايى ءىلتيپات-ىقىلاسىمىز ۇنامدى سۇحباتقا جالعاستى.
زەرتتەۋ تاقىرىبىم، ەل جايى، ۇلت-ۇلىسىم جايلى سۇراعان. ساۋال جىپتىگىنىڭ ۇشى بىردە - مەندە، بىردە - ەكرەم اكىمدە.
زور سەنىممەن قولداۋ بىلدىرگەن ەدى. ماعان. مەن قۇرالپاس، مەن تاقىلەتتەس كىتاپحاناداعى ءبىراز زامانداسقا دا.
يمامۇلىنىڭ ساياسي بوگەسىنگە ۇرىنارىنان بۇرىننان اڭداعانمىن. بولجامىم شىندىققا اينالدى. ۇستالدى دەگەن جاڭالىق مەديا الاڭىندا جايىلىپ جاتىر. شىنتۋايتىندا، ەش تاڭ قالمادىم.
ەكرەم بەي تۇرىك جاستارىنىڭ اراسىندا ايرىقشا ابىرويلى. “زياتتى، زەردەلى، كىشىپەيىل، جوقتان بار جاسايدى” دەپ جاقسى كورەتىن.
ديكتاتوردىڭ توڭىرەگىندە تىندىرىمدى جۇمىس ىستەۋ قاشان دا مۇمكىن ەمەس. سەبەبى، دامىمايتىن، ەلىن، قولىنداعى ءوز ۇجىمىن دامىتقىسى كەلمەيتىن باسشى عانا وزىنەن اقىلدىلاردان قورقادى، سەسكەنەدى، ساقتانادى. وندايدى ءوزىمىز دە كورىپ ءجۇرمىز.
بىراق كەز كەلگەن بيلىكسۇيگىشتىكتىڭ، تاققۇمارلىقتىڭ سوڭى - تراگەديا. جاعىمپاز-جارامساقتىقتىڭ سوڭى - جۇرتقا مازاق، ەلگە كۇلكى. ايشىقتاي ايتقاندا - ابىرويسىزدىق.
جاراتقان تاعالا جار بولسىن، مەن تانىعان ۇزدىك اكىم! بىزدە اكىم تۇرىپتى، كەيدە مال قورانىڭ الدىن سىپىراتىن باسەكەلەر دە سالەمىڭدى الماي جاتادى عوي. بۇل يمامۇلىنىڭ بويىندا جوق وتە ناشار قاسيەت دەر ەدىم. ساياسي ليدەردىڭ ادالدىعى، ەرەكشە ساياسي سۇيكىمى كەڭدىككە باستاسىن. ءبارى وڭىنان بولسىن. تىلەۋلەسپىز.
Dastan Kastay
