Erdoǵannyń basty qarsylasy, Ystambul qalasynyń ákimi, saıası lıder Ekram Imamuly ustalypty...
Ystambuldyń jastarǵa arnalǵan baı kitaphanasynda zertteý jumysyn jazyp otyrǵanmyn. Dostyq ráýishinde, aǵalyq qoldaý qısynynda bireý arqamnan qaqty. Qarasam - Ekrem Imamuly. Ystambul qalasynyń ákimi.
Buıryq qoı. Áıtpese, 25 mln halqy bar qalanyń ákimin kezdeısoq kórý qaıda... Imamuly qaladaǵy kitaphanany, kitaphanaǵa yntyzar jastardyń qal-jaǵdaıyn bilmekke kelipti.
Ornymnan atyp turdym. Amandastyq. Shynaıy iltıpat-yqylasymyz unamdy suhbatqa jalǵasty.
Zertteý taqyrybym, el jaıy, ult-ulysym jaıly suraǵan. Saýal jiptiginiń ushy birde - mende, birde - Ekrem ákimde.
Zor senimmen qoldaý bildirgen edi. Maǵan. Men quralpas, men taqylettes kitaphanadaǵy biraz zamandasqa da.
Imamulynyń saıası bógesinge urynarynan burynnan ańdaǵanmyn. Boljamym shyndyqqa aınaldy. Ustaldy degen jańalyq medıa alańynda jaıylyp jatyr. Shyntýaıtynda, esh tań qalmadym.
Ekrem beı túrik jastarynyń arasynda aıryqsha abyroıly. “Zııatty, zerdeli, kishipeıil, joqtan bar jasaıdy” dep jaqsy kóretin.
Dıktatordyń tóńireginde tyndyrymdy jumys isteý qashan da múmkin emes. Sebebi, damymaıtyn, elin, qolyndaǵy óz ujymyn damytqysy kelmeıtin basshy ǵana ózinen aqyldylardan qorqady, seskenedi, saqtanady. Ondaıdy ózimiz de kórip júrmiz.
Biraq kez kelgen bıliksúıgishtiktiń, taqqumarlyqtyń sońy - tragedııa. Jaǵympaz-jaramsaqtyqtyń sońy - jurtqa mazaq, elge kúlki. Aıshyqtaı aıtqanda - abyroısyzdyq.
Jaratqan Taǵala jar bolsyn, men tanyǵan úzdik ákim! Bizde ákim turypty, keıde mal qoranyń aldyn sypyratyn basekeler de sálemińdi almaı jatady ǵoı. Bul Imamulynyń boıynda joq óte nashar qasıet der edim. Saıası lıderdiń adaldyǵy, erekshe saıası súıkimi keńdikke bastasyn. Bári ońynan bolsyn. Tileýlespiz.
Dastan Kastay
