قازاقستان مادەنيەتى تاريحىندا ۇلتتىق تەاتردىڭ قۇرىلعانىنا ءبىر عاسىر تولدى.
100 جىل بۇرىن، 1925 جىلى قىزىلوردا قالاسىندا العاشقى كاسىبي ۇلتتىق تەاتر قۇرىلدى.
تۇڭعىش ۇلتتىق تەاتردىڭ قۇرىلۋى قازاق ونەرىنىڭ جاڭا ءداۋىرىن اشىپ، ەل مادەنيەتىندە وزىندىك ورىن الدى. تەاتردىڭ العاشقى قويىلىمدارى ناتۋراليستىك، الەۋمەتتىك-تۇرمىستىق جانە فولكلورلىق-ەتنوگرافيالىق سيپاتىمەن ەرەكشەلەندى. سپەكتاكلدەردە حالىق اندەرى كەڭىنەن پايدالانىلدى.
تەاتردىڭ رەسمي اشۋى 1926 جىلدىڭ 13 قاڭتارىندا ۇلكەن كونتسەرت پەن «ەڭلىك-كەبەك» سپەكتاكلىنىڭ ءۇشىنشى اكتىنىڭ قويىلىسىمەن ءوتتى. سپەكتاكل مۇحتار اۋەزوۆتىڭ «ەڭلىك — كەبەك»، «قاراگوز»، «ەل اعاسى»، «بايبىشە — توقال» جانە باسقا دا پەسالارى بويىنشا قويىلدى.
ۇقساس جاڭالىقتار
