17 naýryz kúni Abaı atyndaǵy Qazaq ulttyq opera jáne balet teatrynyń sahnasynda Ózbekstan prezıdentiniń kómekshisi Saıda Mırzıeevanyń ıdeıasy boıynsha jasalǵan «Lazgı. Jan men mahabbat bıi» baletiniń premerasy ótti, dep habarlaıdy “Adyrna” ulttyq portaly.
«Buǵan deıin Qazaqstanǵa kelgen saparymyzda «Lazgı. Jan men mahabbat bıi» baletiniń osy baýyrlas elde qoıylýyn tilegen edik. Tilegimiz oryndaldy. 17 naýryzda Abaı atyndaǵy Ulttyq opera jáne balet teatrynyń sahnasynda balettiń premerasy ótti», — dedi Saıda Mırzııoeva.
Mundaı mádenı sharalar bizdiń ónerimizdiń sulýlyǵyn ashyp qana qoımaı, baýyrlas halyqtar arasyndaǵy dostyq pen baýyrlastyqty nyǵaıtyp, ózara qarym-qatynastardy jańa deńgeıge kóterýge yqpal etedi.
«Prezıdentimiz belgilegen kórshimen tatý dástúrin ustana otyryp, biz Ortalyq Azııa memleketterimen ekonomıkalyq, saıası jáne mádenı salalardaǵy yntymaqtastyqty keńeıtýge umtylamyz. Biz el arasyndaǵy kelisim men birlik bul aımaqty yntymaqtyń qýatty ortalyǵyna aınaldyra alatynyna nyq senemiz», - dep jazdy Saıda Mırzııoeva óziniń Telegram-arnasynda.
