قازاقستان قۇراماسىنىڭ كاپيتانى، «ورداباسى» كوشباسشىلارىنىڭ ءبىرى اسحات تاعىبەرگەن شىمكەنتتىك كلۋبتا ايىنا 20 ميلليون تەڭگە الادى. بۇل تۋرالى قالا اكىمى عابيت سىزدىقبەكوۆ ايتتى، دەپ حابارلايدى «ادىرنا» ءتىلشىسى.
ول كلۋب باسشىلىعىنىڭ ويناي المايتىن فۋتبولشىلاردىڭ وزىنە 15-20 ميلليون تەڭگە تولەپ وتىرعانىن جەتكىزدى.
«فۋتبولشىلاردىڭ ورتاشا جالاقىسى – 15 ميلليون تەڭگە. كەلىسىمشارت 2 جىلعا جاسالدى، ولار ەۋروپالىق فۋتبول قاۋىمداستىقتارىنىڭ وداعىندا تىركەلگەن. ولارمەن كەلىسىمشارتتى بۇزساق، ايىپپۇلدى تولىق تولەۋگە تۋرا كەلەدى. اسحات تاعىبەرگەن ەندى ويناي المايدى، كەتكىسى دە كەلمەيدى. اشىعىن ايتامىن، جالاقى 20 ميلليون تەڭگە. مەن بۇل جاعدايعا قاتىستى ەشتەڭە ىستەي المايمىن»،—دەدى اكىم.
ايتا كەتەيىك، اسحات تاعىبەرگەن 2023 جىلى «ورداباسىعا» اۋىسىپ، بىردەن نەگىزگى ويىنشىعا اينالعان ەدى.
