Qazaqstan quramasynyń kapıtany, «Ordabasy» kóshbasshylarynyń biri Ashat Taǵybergen shymkenttik klýbta aıyna 20 mıllıon teńge alady. Bul týraly qala ákimi Ǵabıt Syzdyqbekov aıtty, dep habarlaıdy «Adyrna» tilshisi.
Ol klýb basshylyǵynyń oınaı almaıtyn fýtbolshylardyń ózine 15-20 mıllıon teńge tólep otyrǵanyn jetkizdi.
«Fýtbolshylardyń ortasha jalaqysy – 15 mıllıon teńge. Kelisimshart 2 jylǵa jasaldy, olar Eýropalyq fýtbol qaýymdastyqtarynyń odaǵynda tirkelgen. Olarmen kelisimshartty buzsaq, aıyppuldy tolyq tóleýge týra keledi. Ashat Taǵybergen endi oınaı almaıdy, ketkisi de kelmeıdi. Ashyǵyn aıtamyn, jalaqy 20 mıllıon teńge. Men bul jaǵdaıǵa qatysty eshteńe isteı almaımyn»,—dedi ákim.
Aıta keteıik, Ashat Taǵybergen 2023 jyly «Ordabasyǵa» aýysyp, birden negizgi oıynshyǵa aınalǵan edi.
