شىمكەنت قالاسىندا مەملەكەتكە 640 ملن تەڭگە زالال كەلتىرگەن كومپانيا باسشىسى 3 جىلعا سوتتالدى. بۇل تۋرالى بۇگىن، 17 ناۋرىزدا شىمكەنت قالالىق پروكۋراتۋراسىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«A» جشس قۇرىلىس كومپانياسى ءىس جۇزىندە جۇمىستار ورىنداماي، تاۋارلاردى تيەپ-جونەلتپەي جالعان شوت-فاكتۋرا جازعان. سونىمەن قاتار كومپانيا جۇمىسشىلارىنا زەينەتاقى، الەۋمەتتىك جانە جەكە تابىس سالىعىن تولەمەگەن.
«ناتيجەسىندە مەملەكەتكە 640 ميلليون تەڭگەگە زالال كەلتىرىلدى. قالا پروكۋراتۋراسى وسى فاكتى بويىنشا قازاقستان رەسپۋبليكاسى قىلمىستىق كودەكسىنىڭ 216-بابىنىڭ 3-بولىگىنە (اسا ءىرى مولشەردە ءىس جۇزىندە جۇمىستار ورىندالماي، قىزمەتتەر كورسەتىلمەي، تاۋارلار تيەپ-جونەلتىلمەي شوت-فاكتۋرا جازۋ بويىنشا ارەكەتتەر جاساۋ) سايكەس سوتقا دەيىنگى تەرگەپ-تەكسەرۋدى باستاپ، ءىستى سوتقا جولدادى. 14 اقپانداعى سوت ۇكىمىمەن «A» جشس-نىڭ ديرەكتورىنا 3 جىل مەرزىمگە باس بوستاندىعىنان ايىرۋ جازاسى تاعايىندالدى»،—دەلىنگەن حابارلامادا.
