Shymkent qalasynda memleketke 640 mln teńge zalal keltirgen kompanııa basshysy 3 jylǵa sottaldy. Bul týraly búgin, 17 naýryzda Shymkent qalalyq prokýratýrasynyń baspasóz qyzmeti aıtty, dep habarlaıdy «Adyrna» tilshisi.
«A» JShS qurylys kompanııasy is júzinde jumystar oryndamaı, taýarlardy tıep-jóneltpeı jalǵan shot-faktýra jazǵan. Sonymen qatar kompanııa jumysshylaryna zeınetaqy, áleýmettik jáne jeke tabys salyǵyn tólemegen.
«Nátıjesinde memleketke 640 mıllıon teńgege zalal keltirildi. Qala prokýratýrasy osy fakti boıynsha Qazaqstan Respýblıkasy Qylmystyq kodeksiniń 216-babynyń 3-bóligine (asa iri mólsherde is júzinde jumystar oryndalmaı, qyzmetter kórsetilmeı, taýarlar tıep-jóneltilmeı shot-faktýra jazý boıynsha áreketter jasaý) sáıkes sotqa deıingi tergep-tekserýdi bastap, isti sotqa joldady. 14 aqpandaǵy sot úkimimen «A» JShS-nyń dırektoryna 3 jyl merzimge bas bostandyǵynan aıyrý jazasy taǵaıyndaldy»,—delingen habarlamada.
