اقش پرەزيدەنتى دونالد ترامپتىڭ ارنايى وكىلى ستيۆ ۋيتكوفف ماسكەۋدە 12 ساعات بولىپ، ونىڭ 8 ساعاتىن رەسەي پرەزيدەنتى ۆلاديمير ءپۋتيننىڭ قابىلداۋىن كۇتۋمەن وتكىزدى، دەپ حابارلايدى "ادىرنا" ۇلتتىق پورتالى.
ستيۆ ۋيتكوفف ماسكەۋگە اقش-تىڭ رەسەيگە 30 كۇندىك اتىستى توقتاتۋ تۋرالى ۇسىنىسىن جەتكىزۋ ءۇشىن كەلگەن. باستاپقىدا ونىڭ ساپارى اقش پەن ۋكراينا اراسىنداعى ساۋد ارابياسىندا وتكەن كەلىسسوزدەردەن كەيىنگى اپتا باسىنا جوسپارلانعان ەدى. الايدا، پۋتين كۇتپەگەن جەردەن بەلارۋس پرەزيدەنتى الەكساندر لۋكاشەنكومەن كەزدەسۋ وتكىزىپ، ۋيتكوففتىڭ قابىلدانۋىن كەشىكتىردى.
ارنايى وكىلدىڭ پۋتينمەن كەزدەسۋى جابىق ەسىك جاعدايىندا ءوتتى، ال ونىڭ ناقتى مازمۇنى بەلگىسىز. Sky News باسىلىمى لۋكاشەنكونىڭ ماسكەۋگە كەلۋى مەن اقش وكىلىنىڭ كۇتىلۋى كەزدەيسوق ەمەس دەگەن بولجام جاسايدى.
كەلىسسوزدەر اياقتالعاننان كەيىن، ۋيتكوفف ماسكەۋدەن بىردەن ۇشىپ كەتكەن.
