AQSh prezıdenti Donald Tramptyń arnaıy ókili Stıv Ýıtkoff Máskeýde 12 saǵat bolyp, onyń 8 saǵatyn Reseı prezıdenti Vladımır Pýtınniń qabyldaýyn kútýmen ótkizdi, dep habarlaıdy "Adyrna" ulttyq portaly.
Stıv Ýıtkoff Máskeýge AQSh-tyń Reseıge 30 kúndik atysty toqtatý týraly usynysyn jetkizý úshin kelgen. Bastapqyda onyń sapary AQSh pen Ýkraına arasyndaǵy Saýd Arabııasynda ótken kelissózderden keıingi apta basyna josparlanǵan edi. Alaıda, Pýtın kútpegen jerden Belarýs prezıdenti Aleksandr Lýkashenkomen kezdesý ótkizip, Ýıtkofftyń qabyldanýyn keshiktirdi.
Arnaıy ókildiń Pýtınmen kezdesýi jabyq esik jaǵdaıynda ótti, al onyń naqty mazmuny belgisiz. Sky News basylymy Lýkashenkonyń Máskeýge kelýi men AQSh ókiliniń kútilýi kezdeısoq emes degen boljam jasaıdy.
Kelissózder aıaqtalǵannan keıin, Ýıtkoff Máskeýden birden ushyp ketken.
