شەتەلدەگى قازاقتاردىڭ قازاقستانمەن بايلانىسىن نىعايتىپ، ەلگە كەلىپ جۇمىس ىستەۋىنە مۇمكىندىك بەرەتىن "اتا جولى" كارتاسىنا قاتىستى ماسەلەلەر شەشىمىن تاپپاي وتىر. بۇل تۋرالى قوعام بەلسەندىسى ءومىرحان التىن Facebook پاراقشاسىندا جازدى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، كارتا تۋرالى باستاما كوتەرىلگەنىنە 5-6 جىل وتسە دە، ونى الۋ پروتسەسى ءالى دە قيىن. 2023 جىلدان بەرى نەبارى 55 ادام عانا وسى قۇجاتتى الۋعا بەكىتىلگەن. ءومىرحان التىننىڭ ءوزى بارلىق قاجەتتى قۇجاتتاردى تاپسىرىپ، بىلتىر "وتانداستار قورى" مەكەمەسىنەن "اتا جولى" كارتاسىن الاتىنىن" ەستىپ، ءسۇيىنشى سۇراعانىن جازادى. الايدا ارادا بىرنەشە اي وتكەن سوڭ، وعان "قۇجات زاڭدىق تۇرعىدا بەكىتىلمەگەن، ازىرگە جارامسىز" دەگەن جاۋاپ بەرىلگەن.
"وتكەن جىلى قازان ايىندا استاعا كەلگەندە “اتا جولى“ قارتامدى الايىن دەپ ءتيىستى ورىندارعا قابارلاسىپ ەدىم ولار ناقتىلى جاۋاپ بەرە الدمادى. ەڭ سوڭىندا ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى - قون كوميتەتىنىڭ باسشىلىعى زاڭدىق تۇدە بەكىتىلگەن جوق، قازىرگە تۇككە جارامسىز، وسى ۇستىمىزدەگى جىل باسىنا دەيىن ول ماسەلە شەشىلەدى دەپ سەندىرگەن بولاتىن.
ال وسى كەلگەن جولىمدا مۇمكىن دايىن بولعان شىعار “اتا جولى“ قارتامدى الىپ جوسپارلاعان ىسىمە كىرىسەيىن دەسەم جاۋاپتى ءبىر كىسى بوسقا ۇمىتتەنبەڭىز، شىن مانىندە سوزدە بولماسا ونداي قۇجات ءالى جوق. سىزدەرگە الدىندا جىبەرىلگەن الۋعا بولادى دەگەن قۇجاتتىڭ ەش ءبىر كۇشى جوق، ەش نارسەگە جارامايدى دەپ بۇكىل ەلگە جار سالعان قۋانىشىمدى، ماقتانىشىمدى جەرمەن جەكسەن ەتىپ ۇياتقا قالتىردى.
ءبىر قىزىعى پرەزيدەنت قاسىم-جومارت توقاەۆ
«اتا جولى» قارتاسى تۋرالى مىنانداي سوزدەر ايتىپتى;
— شەتەلدە تۇراتىن قازاق كاسىپكەرلەرى ءۇشىن ارنايى «اتا جولى» قازاق كارتاسى ەنگىزىلدى. وسىنداي ىلكىمدى ىستەر جالعاسا بەرەدى (29 مامىر، 2023 جىل، ەۋروپا قازاقتارىنىڭ قۇرىلتايىنا جولداعان قۇتتىقتاۋ حاتى);
— شەتەلدەگى قازاق كاسىپكەرلەرى ءۇشىن ارنايى «اتا جولى» كارتاسى ەنگىزىلدى
(11 شىلدە، 2023 جىل، ماڭعوليا قازاقتارىنىڭ قۇرىلتايىنا جولداعان قۇتتىقتاۋ حاتى);
—شەتەلدەگى قازاق كاسىپكەرلەرى ءۇشىن «اتا جولى» كارتاسى ەنگىزىلدى (11.10.2023. استانادا وتكەن «وتانداستار فورۋمىنا» جولداعان قۇتتىقتاۋى)…
سوندا الەمدەگى بارشا قازاقتىڭ ۇلتتىق ماقتانىشى، تاۋەلسىز قازاق مەملەكەتىنە ءاردايىم ساعاعىشپەن جالتاقتاپ قاراپ وتىراتىن، تاعدىردىڭ تالكەگىنە وراي شەت ەلدەردە ءومىر سۇرگەن ميليونداعان قانداستارىمىزدى قاسيەتتى اتا-بابالار ارۋاقتارىن قورلاي وتىرىپ «اتا جولى» اتتى قارتانى جەلەۋ ەتىپ كوكىرەكتەن تەۋىپ، الداپ، قيانات جاساپ وتىرعان پرەزيدەنتتىڭ ءوزى مە جوق الدە ول كىسىنىڭ توڭىرەگىندە توپتاسقان، پرەزيدەنتكە سابوتاج جاساۋشى ۇلت ساتقىنى نامىسسىز ماڭگۇرتتەر مە ؟
كەشە وسى ماسەلەنى پارلامەنت تورىندە تاعى ءبىر رەت كوتەرىپ شەت ەلدەردەگى باۋىرلارىنا جاناشىرلىق كورسەتكەن
قازىبەك يسا مىرزاعا ەرەكشە راحمەت ايتامىن", - دەپ جازدى ول.
ايتا كەتەيىك، پرەزيدەنت قاسىم-جومارت توقاەۆ شەتەلدەگى قازاق كاسىپكەرلەرى ءۇشىن "اتا جولى" كارتاسى ەنگىزىلگەنىن بىرنەشە رەت ايتقان بولاتىن. 2023 جىلعى 29 مامىر – ەۋروپا قازاقتارىنىڭ قۇرىلتايىنا قۇتتىقتاۋ حاتىندا، 2023 جىلعى 11 شىلدەسىندە موڭعوليا قازاقتارىنىڭ قۇرىلتايىندا، 2023 جىلعى 11 قازان – استانادا وتكەن "وتانداستار فورۋمىندا" وسى ماسەلە كوتەرىلگەن ەدى.
شەتەلدەگى قازاقتار ءۇشىن ۇلكەن ءۇمىت بولعان بۇل باستاما قاشان جۇزەگە اساتىنى ءالى بەلگىسىز.
Басқалармен бөлісе отырыңыз
