ۋكراينا اقش ۇسىنعان 30 كۇندىك اتىستى تولىق توقتاتۋ تۋرالى باستامانى قابىلدادى، دەپ حابارلايدى “ادىرنا” ۇلتتىق پورتالى DW-گە سىلتەمە جاساپ.
بۇل تۋرالى ۋكراينا پرەزيدەنتى ۆلاديمير زەلەنسكي 11 ناۋرىزدا مالىمدەدى.
ساۋد ارابياسىندا وتكەن كەلىسسوزدەر بارىسىندا كيەۆ “اۋەدەگى تىنىشتىق”، “تەڭىزدەگى تىنىشتىق” جانە “تۇتقىنداردى بوساتۋ” ۇسىنتسستارىن جاسادى. ءوز كەزەگىندە اقش بۇدان دا اۋقىمدى قادام جاساپ، مايدان شەبىنىڭ بارلىق اۋماعىندا اتىستى تولىق توقتاتۋدى 30 كۇنگە ەنگىزۋدى ۇسىندى.
ۋكراينا بۇل ۇسىنىستى قۇپتادى، الايدا زەلەنسكي ۆاشينگتوننىڭ ەندى رەسەيدى دە كەلىسىمگە كوندىرۋى قاجەت ەكەنىن ايتتى.
كەلىسسوزدەر قورىتىندىسى بويىنشا، اقش ۋكرايناعا اسكەري جانە قارجىلاي كومەكتى دەرەۋ قايتا باستايتىنىن حابارلادى. سونىمەن قاتار، ەكى ەل اراسىنداعى بارلاۋ مالىمەتتەرىمەن الماسۋ ۇدەرىسىندەگى ءۇزىلىس جويىلادى.
كەلىسسوزدەر بارىسىندا ۋكراينا مەن رەسەي اراسىنداعى اسكەري تۇتقىنداردى ايىرباستاۋ جانە كۇشتەپ كوشىرىلگەن ۋكراينالىق بالالاردى قايتارۋ ماسەلەلەرى دە تالقىلاندى.
تاراپتار الداعى ۋاقىتتا ۋكراينانىڭ پايدالى قازبالارىن بىرلەسىپ يگەرۋ تۋرالى كەلىسىمدى جاساۋعا دا ۋاعدالاستى.
