Ýkraına AQSh usynǵan 30 kúndik atysty tolyq toqtatý týraly bastamany qabyldady, dep habarlaıdy “Adyrna” ulttyq portaly DW-ge silteme jasap.
Bul týraly Ýkraına prezıdenti Vladımır Zelenskıı 11 naýryzda málimdedi.
Saýd Arabııasynda ótken kelissózder barysynda Kıev “áýedegi tynyshtyq”, “teńizdegi tynyshtyq” jáne “tutqyndardy bosatý” usynstaryn jasady. Óz kezeginde AQSh budan da aýqymdy qadam jasap, maıdan shebiniń barlyq aýmaǵynda atysty tolyq toqtatýdy 30 kúnge engizýdi usyndy.
Ýkraına bul usynysty quptady, alaıda Zelenskıı Vashıngtonnyń endi Reseıdi de kelisimge kóndirýi qajet ekenin aıtty.
Kelissózder qorytyndysy boıynsha, AQSh Ýkraınaǵa áskerı jáne qarjylaı kómekti dereý qaıta bastaıtynyn habarlady. Sonymen qatar, eki el arasyndaǵy barlaý málimetterimen almasý úderisindegi úzilis joıylady.
Kelissózder barysynda Ýkraına men Reseı arasyndaǵy áskerı tutqyndardy aıyrbastaý jáne kúshtep kóshirilgen ýkraınalyq balalardy qaıtarý máseleleri de talqylandy.
Taraptar aldaǵy ýaqytta Ýkraınanyń paıdaly qazbalaryn birlesip ıgerý týraly kelisimdi jasaýǵa da ýaǵdalasty.
