9 جىل بويى جوعارى بيلىكتە قىزمەت ەتكەن كانادانىڭ پرەمەر-ءمينيسترى دجاستين تريۋدو وتستاۆكاعا كەتتى، دەپ حابارلايدى “ادىرنا” ۇلتتىق پورتالى.
تريۋدو قىزمەتىنەن كەتەردە ەرەكشە ارەكەتىمەن كوزگە ءتۇستى. ول قاۋىمدار پالاتاسىندا وتىرىپ كەلگەن ورىندىعىن وزىمەن بىرگە الىپ كەتتى. پارلامەنت عيماراتىنان كرەسلو كوتەرىپ شىققان ەكس-پرەمەر ءتىل شىعارىپ، فوتوعا تۇسكەن. بۇل الەۋمەتتىك جەلىلەردە قىزۋ تالقىلانىپ، قولدانۋشىلار ونىڭ ارەكەتىن “ورىندىققا دەگەن سۇيىسپەنشىلىك” دەپ باعالاۋدا.
دجاستين تريۋدو 2015 جىلدان بەرى كانادانىڭ پرەمەر-ءمينيسترى بولعان. اقش پرەزيدەنتى دونالد ترامپپەن بولعان قاقتىعىستان كەيىن، پارتيا ىشىندەگى قىسىمعا جانە ترامپتىڭ 25% تاريف ەنگىزەمىن دەگەن قاۋپىنە تاپ بولىپ، قوعامدىق قولداۋدان دا ايىرىلدى.
ونىڭ ورنىنا ليبەرالدىق پارتيانىڭ جاڭا كوشباسشىسى بولىپ مارك كارني سايلاندى.
9 ناۋرىزدا وتكەن سايلاۋدا كارني 85,9% داۋىس جيناپ، پارتيا كوشباسشىسى ءارى كانادانىڭ جاڭا پرەمەر-ءمينيسترى بولىپ سايلاندى. العاشقى سوزىندە ول ترامپقا “امەريكا – بۇل كانادا ەمەس. كانادا ەشقاشان اقش-تىڭ ءبىر بولىگى بولمايدى” دەپ ۇندەۋ جاسادى.
