9 jyl boıy joǵary bılikte qyzmet etken Kanadanyń premer-mınıstri Djastın Trıýdo otstavkaǵa ketti, dep habarlaıdy “Adyrna” ulttyq portaly.
Trıýdo qyzmetinen keterde erekshe áreketimen kózge tústi. Ol Qaýymdar palatasynda otyryp kelgen oryndyǵyn ózimen birge alyp ketti. Parlament ǵımaratynan kreslo kóterip shyqqan eks-premer til shyǵaryp, fotoǵa túsken. Bul áleýmettik jelilerde qyzý talqylanyp, qoldanýshylar onyń áreketin “oryndyqqa degen súıispenshilik” dep baǵalaýda.
Djastın Trıýdo 2015 jyldan beri Kanadanyń premer-mınıstri bolǵan. AQSh prezıdenti Donald Tramppen bolǵan qaqtyǵystan keıin, partııa ishindegi qysymǵa jáne Tramptyń 25% tarıf engizemin degen qaýpine tap bolyp, qoǵamdyq qoldaýdan da aıyryldy.
Onyń ornyna Lıberaldyq partııanyń jańa kóshbasshysy bolyp Mark Karnı saılandy.
9 naýryzda ótken saılaýda Karnı 85,9% daýys jınap, partııa kóshbasshysy ári Kanadanyń jańa premer-mınıstri bolyp saılandy. Alǵashqy sózinde ol Trampqa “Amerıka – bul Kanada emes. Kanada eshqashan AQSh-tyń bir bóligi bolmaıdy” dep úndeý jasady.
