اقش-تىڭ پەنسيلۆانيا شتاتىنىڭ لانكاستەر قالاسىنان ۇشىپ شىققان ۇشاق اپاتقا ۇشىراپ، اۆتوتۇراققا قۇلادى. سالدارىنان بەس ادام قازا بولدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس. اۋە كەمەسىنىڭ بورتىندا بەس ادام بولعان.ە.
ۇشاق لانكاستەر اۋەجايىنان 00:26 قازاقستان ۋاقىتىمەن ۇشىپ شىققان جانە سپرينگفيلد قالاسىنا باعىتتالعان. بورت تۇراققا قۇلاپ، بىرقاتار كولىكتەردى زاقىمداپ، ءورت شىققان. بۇل وقيعا لانكاستەر اۋدانىنداعى قارتتار ءۇيىنىڭ ماڭىندا بولعان.
وقيعا ورنىنان تۇسكەن بەينەمازمۇندا ۇشاقتىڭ قيراندىلارى مەن قارا تۇتىنمەن بىرگە ءورتتىڭ شىققانى كورىنەدى. كەيبىر كولىكتەر دە ۇشاقتىڭ اپاتىنان زارداپ شەگىپ، ورتەنگەن.
"ۇشاق جوعارى ۇشىپ كەتىپ، كەيىن سولعا بۇرىلا باستادى دا، كەنەتتەن تومەن ءتۇسىپ، سولعا قاراي بۇرىلا وتىرىپ قۇلادى", – دەپ ايتتى CNN-گە بەرگەن سۇحباتىندا كۋاگەرلەردىڭ ءبىرى.
سونىمەن قاتار، اپات سالدارىنان جەرگىلىكتى تۇرعىندار دا جاراقات العان. وقيعا ورنىندا توتەنشە جاعداي قىزمەتكەرلەرى جۇمىس ىستەپ جاتىر.
وقيعا كۋاگەرلەرىنىڭ ايتۋىنشا، ۇشاق ۇشىپ شىعىپ، كوپ ۇزاماي اپاتقا ۇشىراعان.
ەسكە سالساق، 3 ناۋرىزدا اۆستراليانىڭ ەڭ ءىرى اۆياكومپانياسى Qantas-تىڭ Boeing 737 ۇشاعى سيدنەي اۋەجايىنا پيلوتتاردىڭ كابيناسىندا ءتۇتىن شىققانى ءۇشىن قونعان. ال 6 ناۋرىزدا مەلبۋرن قالاسىندا 17 جاسار اۆستراليالىق ءجاسوسپىرىم ۇشاققا قارۋ مەن پاترون الىپ كىرگەن.
