اقش پرەزيدەنتى دونالد ترامپ يراننىڭ سوعىس كەزىندە كەلتىرىلگەن شىعىندى وتەۋ تۋرالى تالابىنا جاۋاپ بەردى، دەپ حابارلايدى “ادىرنا” ءتىلشىسى.
ول تەگەراننان دا وتەماقى تالاپ ەتتى.
8 تامىزدا يراننىڭ جوعارى ۇلتتىق قاۋىپسىزدىك كەڭەسىنىڭ حاتشىسى موحامماد باكەر زولكادر اقش-تان يران پورتتارىنا قويىلعان تەڭىز بلوكاداسىن الىپ تاستاۋدى، سانكتسيالاردى جويۋدى، بۇعاتتالعان اكتيۆتەردى بوساتۋدى جانە سوعىس سالدارىنان كەلتىرىلگەن شىعىندى وتەۋدى تالاپ ەتكەن. ونىڭ ايتۋىنشا، ۆاشينگتون ساياساتىن وزگەرتپەيىنشە، يران ورمۋز بۇعازىن اشپايدى.
10 تامىزدا يران سىرتقى ىستەر مينيسترلىگىنىڭ رەسمي وكىلى يسمايل باگاي دا اقش-تان «زاڭسىز جانە قيراتۋشى ارەكەتتەرى» ءۇشىن وتەماقى تولەۋدى تالاپ ەتتى.
بۇعان جاۋاپ رەتىندە ترامپ يراننان امەريكالىقتارعا كەلتىرىلگەن شىعىن ءۇشىن وتەماقى تالاپ ەتەتىنىن مالىمدەدى. ول بۇل ماسەلەنى بولاشاق كەلىسسوزدەرگە مىندەتتى تۇردە ەنگىزۋدى تاپسىرعانىن ايتتى.
ترامپتىڭ سوزىنشە، وتەماقى يراننىڭ ءتۇرلى قاقتىعىستار كەزىندە قازا تاپقان جانە جارالانعان امەريكالىقتارعا، سونداي-اق يرانداعى نارازىلىقتاردا قازا بولعان ادامداردىڭ وتباسىلارىنا قاتىستى بولۋى ءتيىس.
اقش پرەزيدەنتى بۇل تالاپتاردى ءوزىنىڭ Truth Social پاراقشاسىندا جاريالادى.
