AQSh-tyń Pensılvanııa shtatynyń Lankaster qalasynan ushyp shyqqan ushaq apatqa ushyrap, avtoturaqqa qulady. Saldarynan bes adam qaza boldy, dep habarlaıdy “Adyrna” ulttyq portaly.
Aqparatqa sáıkes. Áýe kemesiniń bortynda bes adam bolǵan.e.
Ushaq Lankaster áýejaıynan 00:26 Qazaqstan ýaqytymen ushyp shyqqan jáne Sprıngfıld qalasyna baǵyttalǵan. Bort turaqqa qulap, birqatar kólikterdi zaqymdap, órt shyqqan. Bul oqıǵa Lankaster aýdanyndaǵy qarttar úıiniń mańynda bolǵan.
Oqıǵa ornynan túsken beınemazmunda ushaqtyń qırandylary men qara tútinmen birge órttiń shyqqany kórinedi. Keıbir kólikter de ushaqtyń apatynan zardap shegip, órtengen.
"Ushaq joǵary ushyp ketip, keıin solǵa buryla bastady da, kenetten tómen túsip, solǵa qaraı buryla otyryp qulady", – dep aıtty CNN-ge bergen suhbatynda kýágerlerdiń biri.
Sonymen qatar, apat saldarynan jergilikti turǵyndar da jaraqat alǵan. Oqıǵa ornynda tótenshe jaǵdaı qyzmetkerleri jumys istep jatyr.
Oqıǵa kýágerleriniń aıtýynsha, ushaq ushyp shyǵyp, kóp uzamaı apatqa ushyraǵan.
Eske salsaq, 3 naýryzda Avstralııanyń eń iri avıakompanııasy Qantas-tyń Boeing 737 ushaǵy Sıdneı áýejaıyna pılottardyń kabınasynda tútin shyqqany úshin qonǵan. Al 6 naýryzda Melbýrn qalasynda 17 jasar avstralııalyq jasóspirim ushaqqa qarý men patron alyp kirgen.
