ىشكى ىستەر ورگاندارىنىڭ قىزمەتكەرلەرى تۇركىستان وبلىسىندا ەكسترەميستىك ماتەريالداردى تاراتىپ، ءدىني الاۋىزدىقتى قوزدىرۋعا تىرىسقان كۇدىكتىلەردى ۇستادى. بۇل تۋرالى بۇگىن، 10 ناۋرىزدا ءىىم ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«جەدەل-ىزدەستىرۋ ءىس-شارالارى بارىسىندا كۇدىكتىلەردىڭ بۇل توپقا راديكالدى ءدىني كوزقاراستارى بويىنشا بىرىككەنى انىقتالدى. ولار الەۋمەتتىك جەلىلەردە باسقا دىندەگى ازاماتتاردىڭ قادىر-قاسيەتىن جانە ءدىني سەزىمدەرىن قورلايتىن سوزدەر جاريالاپ وتىرعان. سوت بۇرىن ەكسترەميستىك دەپ تانىعان اۋديو جانە بەينەماتەريالداردى حالىق اراسىندا تاراتقان»،—دەلىنگەن حابارلامادا.
كۇدىكتىلەردىڭ تۇرعىلىقتى جەرى مەن جۇمىس ورىندارىن ءتىنتۋ بارىسىندا 20-دان استام ءدىني ادەبيەت، ەسىرتكى قۇرالدارى، وق-دارىلەر، زاڭسىز ساقتالعان قارۋ جانە باسقا دا زاتتاي ايعاقتار تاركىلەندى. توپ جەتەكشىلەرى سوتتىڭ سانكتسياسىمەن قاماۋعا الىندى.
«جاسالعان قىلمىستىق ارەكەتتەردىڭ بارلىق ءمان-جايىن انىقتاۋعا باعىتتالعان جەدەل-تەرگەۋ ءىس-شارالارى جالعاسۋدا»،—دەپ اتاپ ءوتتى مينيسترلىك.
