Ishki ister organdarynyń qyzmetkerleri Túrkistan oblysynda ekstremıstik materıaldardy taratyp, dinı alaýyzdyqty qozdyrýǵa tyrysqan kúdiktilerdi ustady. Bul týraly búgin, 10 naýryzda IIM baspasóz qyzmeti jazdy, dep habarlaıdy «Adyrna» tilshisi.
«Jedel-izdestirý is-sharalary barysynda kúdiktilerdiń bul topqa radıkaldy dinı kózqarastary boıynsha birikkeni anyqtaldy. Olar áleýmettik jelilerde basqa dindegi azamattardyń qadir-qasıetin jáne dinı sezimderin qorlaıtyn sózder jarııalap otyrǵan. Sot buryn ekstremıstik dep tanyǵan aýdıo jáne beınematerıaldardy halyq arasynda taratqan»,—delingen habarlamada.
Kúdiktilerdiń turǵylyqty jeri men jumys oryndaryn tintý barysynda 20-dan astam dinı ádebıet, esirtki quraldary, oq-dáriler, zańsyz saqtalǵan qarý jáne basqa da zattaı aıǵaqtar tárkilendi. Top jetekshileri sottyń sankııasymen qamaýǵa alyndy.
«Jasalǵan qylmystyq áreketterdiń barlyq mán-jaıyn anyqtaýǵa baǵyttalǵan jedel-tergeý is-sharalary jalǵasýda»,—dep atap ótti mınıstrlik.
