نيۋ-يورك بيلىگى قالا ماڭىنداعى ورمان ورتىنە بايلانىستى توتەنشە جاعداي جاريالادى، دەپ حابارلايدى "ادىرنا" ۇلتتىق پورتالى Bild باسىلىمىنا سىلتەمە جاساپ.
لونگ-ايلەند ارالىندا قاتتى ورمان ورتتەرى باستالىپ، نيۋ-يوركتىڭ ەليتالىق اۋداندارىنا قاۋىپ ءتوندىردى.
بۇل اۋدانداردا ستيۆەن سپيلبەرگ، الەكس بولدۋين جانە دجەننيفەر لوپەس سياقتى تانىمال تۇلعالار تۇرادى.
نيۋ-يورك شتاتىنىڭ گۋبەرناتورى كەتي حوكۋل توتەنشە جاعداي جاريالاپ، جاعدايدىڭ ودان ءارى ۋشىعۋى مۇمكىن ەكەنىن ەسكەرتتى.
اقش-تىڭ ۇلتتىق گۆاردياسى ءورتتى ءسوندىرۋ ءۇشىن ءتورت Blackhawk تىكۇشاعىن جۇمىلدىردى. نيۋ-يورك شتاتىنداعى كەيبىر جولدار ورتكە بايلانىستى جابىلىپ، تۇرعىندار ەۆاكۋاتسيالانۋدا.
ءورتتىڭ ناقتى سەبەپتەرى ءالى بەلگىسىز. دەگەنمەن جەرگىلىكتى تۇرعىندار وت تۇتانۋىنا كولىك اپاتى سەبەپ بولۋى مۇمكىن ەكەنىن ايتادى.
