8 ناۋرىزدا اقتاۋ – الماتى باعىتى بويىنشا ۇشىپ شىققان Air Astana اۋە كومپانياسىنىڭ KC 868 رەيسى اۋەگە كوتەرىلگەننەن كەيىن ءبىراز ۋاقىت وتكەن سوڭ اقتاۋ اۋەجايىنا قايتا ورالدى، دەپ حابارلايدى "ادىرنا" ۇلتتىق پورتالى.
جولاۋشىلاردىڭ ايتىنشا، بورتتا كۇيىك ءيىسى پايدا بولىپ، ۇشاقتان قاتتى گۋىل ەستىلگەن.
كومپانيانىڭ رەسمي مالىمدەمەسىنە سۇيەنسەك، №1 قوزعالتقىشتاعى ماي دەڭگەيىنىڭ تومەندىگى تۋرالى تەحنيكالىق ەسكەرتۋ تىركەلگەن. وسىعان بايلانىستى ۇشقىشتار قاۋىپسىزدىك حاتتاماسىنا ساي قوزعالتقىشتى ءوشىرىپ، اقتاۋعا كەرى ورالۋ تۋرالى شەشىم قابىلداعان.
ۇشاق ءساتتى قونىپ، جولاۋشىلارعا رەزەرۆتىك بورت ۇسىنىلعان. ولار الماتىعا سول ۇشاقپەن جونەلتىلگەن.
