الماتى اكىمى ەربولات دوساەۆ مەملەكەت باسشىسىنىڭ تاپسىرماسىمەن ءابدىرايىم مۇسا سايرانبايۇلىن توتەنشە جاعدايدا كورسەتكەن باتىلدىعى مەن جانقيارلىعى ءۇشىن «ەرلىگى ءۇشىن» مەدالىمەن ماراپاتتادى، دەپ حابارلايدى "ادىرنا" ۇلتتىق پورتالى.
سونداي-اق، باتىر ازاماتقا اقشالاي سىياقى تابىس ەتىلدى.
52 جاستاعى مۇسا ءابدىرايىم الماتى حالىقارالىق اۋەجايىندا جولاۋشى رەتىندە تەكسەرۋ ايماعىنا كىرگەن قىلمىسكەردىڭ قولىنداعى پىشاقتى تارتىپ الىپ، اۋەجاي قىزمەتكەرىنىڭ ءومىرىن قۇتقارىپ قالعان.
«قازاقستان پرەزيدەنتى قاسىم-جومارت كەمەلۇلىنا زور كوڭىل ءبولىپ، قۇرمەت كورسەتكەنى ءۇشىن العىسىمدى بىلدىرەمىن. ءبىزدىڭ ەلدە ارقاشان بەيبىتشىلىك، كەلىسىم مەن وركەندەۋ بولسىن!» – دەدى ماراپات يەسى.
