28 اقپان مەن 2 ناۋرىز ارالىعىندا شىمبۇلاق تاۋ شيپاجايىندا فريستايلدان FIS الەم كۋبوگى وتەدى، دەپ حابارلايدى “ادىرنا” ۇلتتىق پورتالى sportburo.kz سايتىنا سىلتەپ.
سايىس موگۋلدار، پاراللەل موگۋلدار جانە شاڭعى اكروباتيكاسى كەزەڭدەرىنەن تۇرادى.
جارىسقا الەمنىڭ 18-دەن استام ەلىنەن مىقتى سپورتشىلار قاتىسادى، وليمپيادا ويىندارىنىڭ، الەم چەمپيوناتتارىنىڭ جۇلدەگەرلەرى، وتكەن كەزەڭدەردىڭ جەڭىمپازدارى كەلەدى. ال جالپى قاتىسۋشىلار سانى 100-دەن استام ادامدى قۇرايدى.
قاتىسۋشى ەلدەر: اۆستراليا، كانادا، قىتاي، چەحيا، يسپانيا، فينليانديا، فرانتسيا، ۇلىبريتانيا، گەرمانيا، يرلانديا، جاپونيا، كورەيا، شۆەيتساريا، شۆەتسيا، ۋكراينا، اقش، قازاقستان.
سايىستاردىڭ باعدارلاماسى:
25 اقپان – كوماندالاردىڭ رەسمي كەلۋ كۇنى
28 اقپان – موگۋل
1 ناۋرىز – پاراللەلدى موگۋل
2 ناۋرىز – شاڭعىمەن اكروباتيكا
ءاربىر جارىس كۇنىنىڭ قورىتىندىسى بويىنشا جەڭىمپازداردى ماراپاتتاۋ ءراسىمى وتەدى. الەم كۋبوگى كەزەڭى كەزىندە Qazsport ارناسىندا جانە YouTube FIS-TV ارناسىندا تىكەلەي ترانسلياتسيا كورسەتىلەدى.
2024-2025 جىلعى ماۋسىمدا FIS الەم كۋبوگىنىڭ كەزەڭدەرى ەرەكشە ماڭىزعا يە، سەبەبى ولار 2026 جىلعى يتالياداعى قىسقى وليمپيادا ويىندارىنا ىرىكتەۋ كەزەڭدەرى بولماق. بۇل سپورتشىلار FIS ۇپايلارى ءۇشىن عانا ەمەس، سونداي-اق 2026 جىلعى قىسقى وليمپياداعا قاتىسۋ ءۇشىن بىلىكتىلىك ۇپايلارىن جيناۋ ءۇشىن سىنعا تۇسەتىندىكتەن، كورەرمەندەردى قىزۋ تارتىس كۇتىپ تۇر.
