الماتى اۋەجايىندا جولاۋشى تاماعىن بوتەلكەنىڭ سىنىعىمەن كەسىپ، جارالادى، دەپ حابارلايدى "ادىرنا" ۇلتتىق پورتالى.
وقيعا ىشكى رەيستەر تەرمينالىنداعى اجەتحانادا بولعان. الەۋمەتتىك جەلىلەردە قانعا بويالعان بولمە مەن سىنعان بوتەلكەنىڭ سۋرەتتەرى تارادى.
پوليتسيانىڭ مالىمەتىنشە، ەر ادام الماتىدان استاناعا ۇشۋى ءتيىس بولعان. ول تىركەۋدەن ءوتىپ، ۇشاققا وتىرعىزۋ الدىندا ءتورت ساعات بويى كۇتۋ زالىندا، سونىڭ ىشىندە كافەدە وتىرعان. كەيىن اجەتحاناعا كىرىپ، وزىنە دەنە جاراقاتىن سالعان.
اۋەجايدىڭ مەديتسينا قىزمەتكەرلەرى العاشقى كومەك كورسەتىپ، كەيىن جولاۋشىنى قالالىق كلينيكالىق اۋرۋحاناعا جەتكىزدى.
اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.
ايتا كەتەيىك، وسىعان ۇقساس جاعداي ءبىر اپتا بۇرىن دا بولعان. 25 تامىزدا الماتى اۋەجايىنىڭ «ت-1» تەرمينالىندا تاعى ءبىر ەر ادام ءوزىن ورتەمەك بولعان. ول كەزدە پوليتسيا قىزمەتكەرلەرى مەن اۋەجاي قاۋىپسىزدىك قىزمەتى ءورتتى دەر كەزىندە ءسوندىرىپ، جولاۋشىعا جەدەل كومەك كورسەتكەن.
