يلون ماسك اقش-تىڭ ۇكىمەت تيىمدىلىگى دەپارتامەنتىنىڭ (DOGE) باسشىسى، مەملەكەتتىك دەپارتامەنتتىڭ جەتەكشىسى ماركو رۋبيونى ءوز ۆەدومستۆوسىنىڭ شتاتىن جەتكىلىكتى قىسقارتپاعانى ءۇشىن سىنعا الدى، دەپ حابارلايدى "ادىرنا" ۇلتتىق پورتالى The New York Times باسىلىمىنا سىلتەپ.
6 ناۋرىزدا يلون ماسك اقش ۇكىمەتىنىڭ كەزەكتەن تىس وتىرىسىندا ءسوز سويلەدى.
ء"سىز ەشكىمدى جۇمىستان شىعارعان جوقسىز", – دەپ رۋبيونى سىناپ، مۇمكىن، جۇمىستان كەتكەن جالعىز ادام ءوزىنىڭ دەپارتامەنتىنىڭ قىزمەتكەرى بولۋى مۇمكىن دەپ كەكەتتى.
رۋبيو بۇل مالىمدەمەگە قارسىلىق ءبىلدىرىپ، 1500-دەن استام قىزمەتكەردىڭ مەرزىمىنەن بۇرىن زەينەتكە شىققانىن جانە ولار ءتيىستى وتەماقى العانىن ايتتى. سونداي-اق، ول مەملەكەتتىك دەپارتامەنتتى قايتا ۇيىمداستىرۋ جوسپارىن ۇسىندى.
جيىنعا قاتىسقان اقش پرەزيدەنتى دونالد ترامپ باستاپقىدا پىكىرتالاستى سىرتتان باقىلاپ وتىردى. الايدا، اقىرىندا ول ارالاسىپ، ماركو رۋبيونىڭ "وتە جاقسى جۇمىس اتقارىپ جاتقانىن" اتاپ ءوتتى.
The New York Times باسىلىمىنىڭ مالىمەتىنشە، بۇل جيىن ترامپتىڭ ەكىنشى پرەزيدەنتتىك مەرزىمىنىڭ العاشقى ايلارىنداعى ماڭىزدى بەتبۇرىس بولۋى مۇمكىن. ول يلون ماسكتىڭ باستامالارىن قولداعانىمەن، ودان ديپلوماتيالىق ارەكەت كۇتەتىنىن ءبىلدىردى.
