İlon Mask AQŞ-tyŋ Ükımet tiımdılıgı departamentınıŋ (DOGE) basşysy, Memlekettık departamenttıŋ jetekşısı Marko Rubiony öz vedomstvosynyŋ ştatyn jetkılıktı qysqartpaǧany üşın synǧa aldy, dep habarlaidy "Adyrna" ūlttyq portaly The New York Times basylymyna sıltep.
6 nauryzda İlon Mask AQŞ ükımetınıŋ kezekten tys otyrysynda söz söiledı.
"Sız eşkımdı jūmystan şyǧarǧan joqsyz", – dep Rubiony synap, mümkın, jūmystan ketken jalǧyz adam özınıŋ departamentınıŋ qyzmetkerı boluy mümkın dep kekettı.
Rubio būl mälımdemege qarsylyq bıldırıp, 1500-den astam qyzmetkerdıŋ merzımınen būryn zeinetke şyqqanyn jäne olar tiıstı ötemaqy alǧanyn aitty. Sondai-aq, ol Memlekettık departamenttı qaita ūiymdastyru josparyn ūsyndy.
Jiynǧa qatysqan AQŞ prezidentı Donald Tramp bastapqyda pıkırtalasty syrttan baqylap otyrdy. Alaida, aqyrynda ol aralasyp, Marko Rubionyŋ "öte jaqsy jūmys atqaryp jatqanyn" atap öttı.
The New York Times basylymynyŋ mälımetınşe, būl jiyn Tramptyŋ ekınşı prezidenttık merzımınıŋ alǧaşqy ailaryndaǧy maŋyzdy betbūrys boluy mümkın. Ol İlon Masktyŋ bastamalaryn qoldaǧanymen, odan diplomatiialyq äreket kütetının bıldırdı.
Ūqsas jaŋalyqtar
