كۇندىزگى ۋاقىتتا، ياعني 22-23 قاڭتار ارالىعىندا الماتى مەن وبلىستا تۇرعىن ۇيلەر مەن ساياجايلاردى جالعا الۋعا سۇرانىس كۇرت وسكەن، دەپ حابارلايدى “ادىرنا ۇلتتىق پورتالى Krisha.kz سىلتەمە جاساپ.
ساراپشىلاردىڭ ايتۋىنشا، ۇيلەر مەن ساياجايلاردى كۇندەلىكتى جالعا بەرۋ تۋرالى وتىنىشتەردىڭ سانى ارتقان. جەر سىلكىنىسىنەن كەيىنگى تاۋلىكتە ول 4 ەسەگە وسكەن. بىراق بۇل وزگەرىس كوپكە سوزىلعان جوق.
24 قاڭتارداعى جاعداي بويىنشا نارىقتا باسقا وزگەرىستەر جوق. پاتەر ساتقىسى كەلەتىندەر سانى كوبەيگەن جوق، ال استاناداعى باسپاناعا سۇرانىس ارتپاعان.
بۇل وزگەرىس الماتىلىقتاردىڭ جەر سىلكىنىسى مەن جالعان بولجامداردان قورقىپ، جەكە ءۇي جالداۋدى ويلاعاننان بولۋى مۇمكىن.
الماتىدا ءۇيدى جالداۋدىڭ ورتاشا قۇنى كۇنىنە 100 000 تەڭگەنى قۇرايدى. كۇندەلىكتى جالعا بەرىلەتىن ۇيلەردىڭ ەرەكشەلىگى، ولار نەگىزىنەن مەرەكەلىك شارالار مەن كەشتەرگە ارنالعان: بارلار، ۇلكەن باربەكيۋ الاڭدارى، كاراوكە جانە ت.ب. جابدىقتالعان. سوندىقتان مۇنداي نىسانداردىڭ باعاسى ارقاشان جوعارى.
ءۇي ساتىپ الۋعا كەلەتىن بولساق، مۇندا ەشقانداي وزگەرىس جوق. باعا تۇراقتى.
ۇسىنىستاردى تالداۋعا سايكەس الماتىداعى جەكە ءۇيدىڭ ورتاشا قۇنى Krisha.kz, - 40 ملن تەڭگە.
“ادىرنا” ۇلتتىق پورتالى
