Bas prokýratýra Arǵyn Nyǵmatýlınge qatysty qozǵalǵan qylmystyq istiń qaı bap boıynsha tergelip jatqanyn málimdedi, dep habarlaıdy "Adyrna" ulttyq portaly.
Quzyrly organnyń resmı jaýabyna sáıkes, Arǵyn Nyǵmatýlın men ózge de tulǵalarǵa QR Qylmystyq kodeksiniń 189-baby 4-bóliginiń 2-tarmaǵy ("Senip tapsyrylǵan bóten múlikti ıemdený nemese talan-tarajǵa salý") boıynsha aıyp taǵylyp otyr.
"Sot sheshimimen Nyǵmatýlın A.Z.-ǵa qatysty qamaýǵa alý túrindegi bultartpaý sharasy sankııalandy jáne ol izdeýge jarııalandy", – dep habarlady Bas prokýratýra.
Tergeý qupııalyǵyna baılanysty qosymsha aqparat jarııalanbaıdy.
Aıta keteıik, Qylmystyq kodekstiń 189-baby 4-bóliginiń 2-tarmaǵyna sáıkes, senip tapsyrylǵan múlikti ıemdengeni nemese talan-tarajǵa salǵany úshin 7 jyldan 12 jylǵa deıin bas bostandyǵynan aıyrý jazasy qarastyrylǵan. Sonymen qatar, múlki tárkilenip, belgili bir laýazymdardy atqarýǵa tyıym salynýy múmkin.
Buǵan deıin Antıkorrýpııalyq qyzmet eks-Májilis tóraǵasy Nurlan Nyǵmatýlınniń aǵasy – Arǵyn Nyǵmatýlındi izdestirip jatqanyn habarlaǵan bolatyn.
