تۇركىستان وبلىسىندا جول-پاترۋلدىك پوليتسيا ينسپەكتورى قۇقىق بۇزۋشىنى قۋ كەزىندە كوز جۇمدى، دەپ حابارلايدى "ادىرنا" ۇلتتىق پورتالى.
بۇل تۋرالى ىشكى ىستەر ءمينيسترى ەرجان سادەنوۆ مالىمدەدى.
مارقۇم – پوليتسيانىڭ اعا لەيتەنانتى قانات عابيتوۆ.
"قىزمەتتىك مىندەتىن ورىنداۋ بارىسىندا قازا تاپقان تۇركىستان وبلىسى پوليتسيا دەپارتامەنتىنىڭ جول-پاترۋلدىك پوليتسيا ينسپەكتورى، پوليتسيانىڭ اعا لەيتەنانتى قانات عابيتوۆتىڭ تۋىستارى مەن جاقىندارىنا شىن جۇرەكتەن كوڭىل ايتامىن", – دەپ جازدى مينيستر Facebook-تەگى پاراقشاسىندا.
ايتا كەتەيىك، اقپان ايىندا جامبىل وبلىسىندا دا پوليتسيا قىزمەتكەرى قىزمەتتىك مىندەتىن اتقارۋ كەزىندە قازا تاپقان بولاتىن.
