78 جاستاعى جانە جاقىن ارادا امەريكا تاريحىنداعى ەڭ قارت پرەزيدەنت اتاناتىن دونالد ترامپ الداعى اپتالاردا جىل سايىنعى فيزيكالىق تەكسەرۋدەن وتەدى. بۇل تۋرالى ول اق ءۇي سەنبى كۇنگى مالىمدەمەسىندە جاريالادى، دەپ حابارلايدى “ادىرنا”.
«پرەزيدەنت دونالد ترامپ ءوز جىل سايىنعى مەديتسينالىق تەكسەرۋىن كەلەسى ايدا ۋولتەر ريد اتىنداعى ۇلتتىق اسكەري-مەديتسينالىق ورتالىقتا وتەدى»، — دەلىنگەن وندا.
اقش-تىڭ 47-ءشى پرەزيدەنتىنىڭ جەكە دارىگەرى، اۋعانستان مەن يراكتا قىزمەت اتقارعان بۇرىنعى اسكەري دارىگەر شون باربابەللانىڭ ايتۋىنشا، ترامپتىڭ مەديتسينالىق تەكسەرۋىنىڭ كۇنى كەلەسى بىرنەشە اپتا ىشىندە جاريالانادى.
ترامپ الكوگول ىشپەيتىنى جانە تەمەكى شەكپەيتىنىنە قاراماستان، ونىڭ فاستفۋد پەن ستەيك جەگەندى ۇناتاتىنى بەلگىلى، ال فيزيكالىق جاتتىعۋلارىنىڭ نەگىزگى كوزى - گولف.
ونىڭ ءبىرىنشى مەرزىمىندەگى 2018 جىلعى مەديتسينالىق تەكسەرىسى پرەزيدەنتكە 10-15 فۋنت (4,5-7 كگ) سالماق تاستاۋ كەرەكگىن كورسەتكەن، بىراق جالپى العاندا ونىڭ دەنساۋلىعى «وتە جاقسى» دەپ باعالانعان.
كەلەسى جىلى جۇرگىزىلگەن تەكسەرۋ ناتيجەسىندە ترامپتىڭ بويى 1,9 مەتر، سالماعى 110 كەلى بولعانى انىقتالدى، بۇل ونىڭ پرەزيدەنتتىككە كىرىسكەن كەزدەگىدەن ءسال كوبىرەك. سوندىقتان وندا سول كەزدە تەحنيكالىق تۇرعىدان ءبىرشاما ارتىق سالماق بولعان.
