بۇگىن، 3 ناۋرىزدا سىبايلاس جەمقورلىققا قارسى كۇرەس اگەنتتىگى ءماجىلىستىڭ بۇرىنعى سپيكەرى نۇرلان نىعماتۋليننىڭ اعاسى ارعىن نىعماتۋلينگە ىزدەۋ جاريالادى، دەپ حابارلايدى «ادىرنا» ءتىلشىسى.
«تۋعان كۇنى: 28.06.1955, جىنىسى: ەركەك، قازاقستان رەسپۋبليكاسىنىڭ ازاماتى، قازاق. ىزدەستىرۋ ءىسى 03.03.2025 «استانا وڭىردە تىركەلدى. ىزدەستىرۋدى جۇرگىزەتىن ورگان: قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى»، – دەلىنگەن حابارلامادا.
ايتا كەتەيىك، ارعىن نىعماتۋلين «سارىارقا» حوككەي كلۋبىن باسقارىپ، قاراعاندى وبلىستىق ءماسليحاتىنىڭ دەپۋتاتى بولعان ەدى.
