Бүгін, 3 наурызда Сыбайлас жемқорлыққа қарсы күрес агенттігі Мәжілістің бұрынғы спикері Нұрлан Нығматулиннің ағасы Арғын Нығматулинге іздеу жариялады, деп хабарлайды «Адырна» тілшісі.
«Туған күні: 28.06.1955, жынысы: еркек, Қазақстан Республикасының азаматы, Қазақ. Іздестіру ісі 03.03.2025 «Астана өңірде тіркелді. Іздестіруді жүргізетін орган: Қазақстан Республикасы Сыбайлас жемқорлыққа қарсы іс-қимыл агенттігі», – делінген хабарламада.
Айта кетейік, Арғын Нығматулин «Сарыарқа» хоккей клубын басқарып, Қарағанды облыстық мәслихатының депутаты болған еді.
