ماڭعىستاۋ وبلىسىندا ەر ادامدى پويىز قاعىپ كەتتى. قايعىلى وقيعا 28 اقپان كۇنى بورانقۇل ستانتسياسىندا بولعان. بۇل تۋرالى كولىك پوليتسياسى باسقارماسىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«ەر ادام بەينەۋ ستانساسىنىڭ اۋداندىق اۋرۋحاناسىنا جەتكىزىلدى. وقيعا تۋرالى اقپارات ماڭعىستاۋ ستانساسىنىڭ جەلىلىك پوليتسيا بولىمىنە بەرىلدى»،—دەلىنگەن حابارلامادا.
قتج مالىمەتىنشە، وقيعانىڭ الدىن الا سەبەبى – جابىرلەنۋشىنىڭ قاۋىپسىزدىك ەرەجەلەرىن بۇزۋى، رۇقسات ەتىلمەگەن جەردەن تەمىر جولدى كەسىپ ءوتۋ.
قازىرگى تاڭدا پويىز قوزعالا باستاعان كەزدە ادامدى قاعىپ كەتۋ فاكتىسى بويىنشا «ابايسىزدا ادام دەنساۋلىعىنا اۋىر نەمەسە ورتاشا اۋىرلىقتاعى زيان كەلتىرۋگە اكەپ سوققان جول قوزعالىسى نەمەسە تەمىر جول كولىگىن پايدالانۋ قاۋىپسىزدىگى ەرەجەلەرىن بۇزۋ» بابى بويىنشا قىلمىستىق ءىس قوزعالدى.
ەسكە سالايىق، بىلتىر 75 ادامدى پويىز قاعىپ كەتكەن بولاتىن.
