ۇلىتاۋ وبلىسىندا قازاقستان حالقى اسسامبلەياسىنىڭ 30 جىلدىعى مەن 1 ناۋرىز - العىس ايتۋ كۇنىنە وراي ۇيىمداستىرىلعان ءىس-شارا ءوتتى.
سالتاناتتى جيىندا ۇلىتاۋ وبلىسىنىڭ اكىمى، ۇلىتاۋ وبلىسى قحا توراعاسى داستان رىسپەكوۆ مەملەكەت باسشىسىنىڭ قۇتتىقتاۋ حاتىن وقىپ، تاتۋلىق پەن بەرەكەنىڭ ۇلگىسى بولىپ جۇرگەن جەرلەستەرىمىزگە شىن جۇرەكتەن العىس ءبىلدىردى.
«ۇلتىمىزدىڭ قوناقجايلىعى مەن ەتنومادەني بىرلەستىكتەردىڭ ءوزارا سىيلاستىعىنىڭ، باۋىرمالدىعىنىڭ ارقاسىندا بۇگىندە بولاشاققا نىق قادام باسىپ كەلەمىز. اسسامبلەيانىڭ 30 جىلدىعى اياسىندا بيىل وبلىستا ەتنومادەني بىلەستىكتەردى ىنتالاندىرۋ ماقساتىندا گرانتتىق قارجىلاندىرۋ جوسپارلانۋدا. العىس ايتۋ كۇنىنىڭ قارساڭىندا بارشاڭىزعا وبلىسىمىزدىڭ دامۋى جولىندا اتقارىپ جۇرگەن ەڭبەكتەرىڭىز ءۇشىن راحمەتىمدى ايتىپ، وتباسىلارىڭىزعا اماندىق تىلەيمىن»،-دەدى ءوڭىر باسشىسى ءوز سوزىندە.
جيىندا ۇلىتاۋ وبلىسىنىڭ بىرقاتار ازاماتى قايىرىمدىلىق پەن مەيىرىمدىلىك ىسىنە زور ۇلەس قوسقانى ءۇشىن ءوڭىر باسشىسىنىڭ قولىنان ماراپاتتى بولدى. سونىمەن قاتار، ءىس-شارا قوناقتارىنىڭ نازارىنا وڭىردەگى ەتنومادەني بىرلەستىكتەردىڭ ادەت-عۇرپىن، شىعارماشىلىعىن دارىپتەيتىن كورمە ۇسىنىلدى.
ايتا كەتۋ كەرەك، ساناق بويىنشا وبلىس حالقىنىڭ 24.4%-ىن وزگە ەتنوس وكىلدەرى قۇرايدى. ۇلىتاۋ وبلىسى قۇرىلعان ساتتەن باستاپ، 8 ەتنومادەني بىرلەستىك تىركەلىپ، ءوڭىرىمىزدىڭ يگى ىستەرىن اتقارۋعا ۇلكەن ۇلەستەرىن قوسىپ كەلەدى.
