ۇلىتاۋ وبلىسىندا بىردەن 11 اكىمگە قاتىستى ءىس قوزعالدى، دەپ حابارلايدى “ادىرنا” ۇلتتىق پورتالى.
قازتاگ مالىمەتىنشە بۇل اقپاراتتى وڭىرلىك قاداعالاۋ ورگانىنىڭ ءباسپاسوز قىزمەتى حابارلادى.
"ۇلىتاۋ وبلىسىنىڭ مامانداندىرىلعان تابيعاتتى قورعاۋ پروكۋراتۋراسى ەكولوگيالىق زاڭنامانى قولدانۋدى تالداپ شىقتى. ناتيجەسىندە، 66 I جانە II ساناتتاعى وپەراتورلاردىڭ وندىرىستىك ەكولوگيالىق باقىلاۋ ناتيجەلەرى تۋرالى ەسەپتەردى قورشاعان ورتانى قورعاۋ سالاسىنداعى ۋاكىلەتتى ورگانعا تاپسىرماۋىنىڭ 125 فاكتىسى انىقتالدى (ەكولوگيالىق كودەكستىڭ 184-بابىنىڭ تالاپتارىن بۇزۋ). ولاردىڭ اراسىندا جەر قويناۋىن پايدالانۋشىلار، كوممۋنالدىق كاسىپورىندار، اۋىلدىق وكرۋگ اكىمدىكتەرىنە تيەسىلى قاتتى تۇرمىستىق قالدىقتار پوليگوندارى جانە باسقالارى بار. بۇل ءوز كەزەگىندە، ۋاكىلەتتى ورگانعا وڭىردەگى ەكولوگيالىق جاعدايدى وبەكتيۆتى تۇردە باعالاۋعا مۇمكىندىك بەرمەدى. وسى فاكتىلەر بويىنشا پروكۋراتۋرا ۇلىتاۋ وبلىسىنىڭ جاڭاارقا اۋدانىنا قاراستى اۋىلدىق وكرۋگتەردىڭ 11 اكىمىنە قاتىستى 20 اكىمشىلىك قۇقىق بۇزۋشىلىق تۋرالى ءىس قوزعادى", – دەلىنگەن سارسەنبى كۇنگى حابارلامادا.
قىلمىستىق ىستەر قر اقبتك-ءنىڭ 327-1-بابى (قازاقستان رەسپۋبليكاسىنىڭ ەكولوگيالىق زاڭناماسىندا كوزدەلگەن مىندەتتى مالىمەتتەردى ۇسىنۋ تالاپتارىن بۇزۋ) بويىنشا قوزعالدى.
"قازىرگى ۋاقىتتا پروكۋراتۋرانىڭ قاداعالاۋ اكتىسى بويىنشا ەكولوگيا دەپارتامەنتى قالعان تابيعات پايدالانۋشىلاردى اكىمشىلىك جاۋاپكەرشىلىككە تارتۋ بويىنشا شارالار قابىلداۋدا", – دەلىنگەن حابارلامادا.
سونىمەن قاتار، كونستيتۋتسيالىق "پروكۋراتۋرا تۋرالى" زاڭ تالاپتارىن بۇزعانى ءۇشىن ۇلىتاۋ وبلىسى ەكولوگيا دەپارتامەنتىنىڭ، ۆەتەريناريا، كاسىپكەرلىك جانە ونەركاسىپ باسقارمالارىنىڭ باسشىلارى قر اقبتك-ءنىڭ 664-بابى (سوتتىڭ جەكە قاۋلىسىن، پروكۋروردىڭ، تەرگەۋشىنىڭ نەمەسە انىقتاۋشىنىڭ ۇيعارىمىن ورىنداۋ بويىنشا شارالار قابىلداماۋ), 665-بابى (پروكۋرورعا، تەرگەۋشىگە جانە انىقتاۋ ورگانىنا، سوت ورىنداۋشىسىنا كەلمەۋ) جانە 666-بابى (پروكۋروردى حاباردار ەتپەۋ نەمەسە ۋاقىتىلى حابارلاماۋ) بويىنشا جاۋاپكەرشىلىككە تارتىلدى.
"بۇگىنگى كۇنى ايىپتى تۇلعالار سالىنعان جالپى سوماسى 4,6 ملن تەڭگە ايىپپۇلدى تولىق كولەمدە تولەدى", – دەپ تولىقتىردى پروكۋراتۋرا.
ەسكە سالا كەتسەك، ۇلىتاۋ وبلىسىنىڭ ءبىرىنشى اكىمى بەرىك ابدىعاليەۆ تاياۋدا قىزمەتىنەن بوساعان بولاتىن.
