قازاقستاندا بلوگەرلەردىڭ جارناما ارقىلى العان تاۋارلارى مەن قىزمەتتەرى دە تابىس بولىپ سانالادى جانە ولاردان سالىق تولەۋ مىندەتتەلەدى، دەپ حابارلايدى “ادىرنا” ۇلتتىق پورتالى.
بۇل تۋرالى مەملەكەتتىك كىرىستەر كوميتەتى مالىمدەدى.
مەملەكەتتىك كىرىستەر كوميتەتىنىڭ وكىلى دينا قۇسايىنوۆانىڭ ايتۋىنشا، اقشاسىز جاسالعان بارتەرلىك كەلىسىمدەر دە تابىس كوزى رەتىندە قاراستىرىلادى.
“مىسالى، بلوگەر Instagram-دا كافەنى جارنامالاپ، ونىڭ ورنىنا كەشكى اس ىشەدى. بۇل جاعدايدا سول كەشكى اس بلوگەردىڭ تابىسى بولىپ سانالادى، جانە ول وسى تابىستان جەكە تابىس سالىعىن تولەۋى ءتيىس. مەملەكەتتىك بيۋدجەتكە سالىق تولەنسىن،” – دەدى ول.
وننان اسا بلوگەر قوسىمشا 1,4 ميلليارد تەڭگە تابىسىن مويىنداپ، سالىق تولەگەن.
مەملەكەتتىك كىرىستەر كوميتەتى بەلگىلى بلوگەردىڭ 1,2 ميلليارد تەڭگە تابىس تاپقانىن انىقتاپ، ونىڭ سالىق ەسەبىن تەكسەرۋگە كىرىستى.
بۇعان دەيىن كوميتەت قازاقستاندىق بلوگەرلەرگە جالپى قۇنى 53 ميلليارد تەڭگە سالىق تولەۋ تۋرالى حابارلاما جىبەرگەن.
بۇل شەشىمنەن كەيىن سالىق تولەمەگەن بلوگەرلەر مەن كاسىپكەرلەردىڭ ءتىزىمى الەۋمەتتىك جەلىدە تارالا باستادى.
