Qazaqstanda blogerlerdiń jarnama arqyly alǵan taýarlary men qyzmetteri de tabys bolyp sanalady jáne olardan salyq tóleý mindetteledi, dep habarlaıdy “Adyrna” ulttyq portaly.
Bul týraly Memlekettik kirister komıteti málimdedi.
Memlekettik kirister komıtetiniń ókili Dına Qusaıynovanyń aıtýynsha, aqshasyz jasalǵan barterlik kelisimder de tabys kózi retinde qarastyrylady.
“Mysaly, bloger Instagram-da kafeni jarnamalap, onyń ornyna keshki as ishedi. Bul jaǵdaıda sol keshki as blogerdiń tabysy bolyp sanalady, jáne ol osy tabystan jeke tabys salyǵyn tóleýi tıis. Memlekettik bıýdjetke salyq tólensin,” – dedi ol.
Onnan asa bloger qosymsha 1,4 mıllıard teńge tabysyn moıyndap, salyq tólegen.
Memlekettik kirister komıteti belgili blogerdiń 1,2 mıllıard teńge tabys tapqanyn anyqtap, onyń salyq esebin tekserýge kiristi.
Buǵan deıin komıtet qazaqstandyq blogerlerge jalpy quny 53 mıllıard teńge salyq tóleý týraly habarlama jibergen.
Bul sheshimnen keıin salyq tólemegen blogerler men kásipkerlerdiń tizimi áleýmettik jelide tarala bastady.
