تۇركيادا انكارا قالاسىندا 26 قاباتتى تۇرعىن ۇيدە ءورت شىعىپ، ءۇش ادام قازا تاپتى، دەپ حابارلايدى "ادىرنا" ۇلتتىق پورتالى Cumhuriyet باسىلىمىنا سىلتەمە جاساپ.
ءورت سالدارىنان قازا تاپقانداردىڭ اراسىندا ءسابي دە بار. تاعى 20 ادام تۇتىننەن ۋلانىپ، اۋرۋحاناعا جەتكىزىلدى.
ء“ورت شامامەن ساعات 22:00-دە چانكايا اۋدانىنداعى ەكى بيىك عيماراتتان تۇراتىن تۇرعىن ءۇي كەشەنىنىڭ ءبىر پاتەرىندە تۇتانعان. ازىرگە انىقتالماعان سەبەپپەن 24 قاباتتى ءۇيدىڭ 4-قاباتىنداعى پاتەردە وت جىلدام تارالىپ، بىرنەشە مينۋت ىشىندە وتقا ورانعان. ءتۇتىن بۇكىل عيماراتتى شارپىعان”، – دەلىنگەن حابارلامادا.
وقيعا ورنىنا ءورت سوندىرۋشىلەر، پوليتسيا، توتەنشە جاعدايلار قىزمەتى، جەدەل جاردەم مەن مەديتسينالىق بريگادالار جەتكەن.
قاتتى ءتۇتىن سالدارىنان تۇرعىندارعا ۋاقىتشا عيماراتقا كىرۋگە تىيىم سالىندى. ءورت سوندىرۋشىلەر ءتۇتىندى سىرتقا شىعارۋ جۇمىستارىن باستاعان.
وقيعاعا بايلانىستى پروكۋراتۋرا ءورتتىڭ شىعۋ سەبەبىن انىقتاۋ ءۇشىن تەرگەۋ باستادى.
