Чехияның солтүстік-шығысындағы Хустопеце над-Бекву қаласында құрамында улы бензол бар цистерналар пойызы өртеніп жатыр. Бұл туралы Idnes жаңалықтар порталы жариялады, деп хабарлайды “Адырна” ұлттық порталы.
Ақпаратқа сәйкес, ең кемі бес теміржол вагоны мен бензол цистерналары өртеніп жатыр. Өрт локомотивті шарпыған. Жалынның биіктігі шамамен 20 метрге жетеді.
Оқиға орнына арнайы техникамен бірнеше өрт сөндіруші бригадасы барды. Өрт сөндіру авиациясы шақырылды. Хустопеце над-Бекву қаласында электр қуаты жоқ. Қала тұрғындарына үйлерінде қалып, бөлмелерді желдетпеу ұсынылды, себебі бензолдың жануынан туындайтын уытты заттардың үйге кіруі мүмкін. Өрттің себептерін полиция анықтап жатыр.
