اقتاۋدا 29 تامىز كۇنى ساعات 06:02 شاماسىندا 10 قاباتتى «OTYRAR CITY» تۇرعىن ءۇي كەشەنى ورتەندى. ءورتتى ماڭعىستاۋ وبلىستىق توتەنشە جاعدايلار دەپارتامەنتى ءوشىردى، دەپ حابارلايدى “ادىرنا” ۇلتتىق پورتا
توتەنشە جاعدايلار دەپارتامەنتىنىڭ مالىمەتىنە سايكەس ءۇيدىڭ 1-دەن 10 قاباتقا دەيىن 2100 شارشى مەترى جانعان. ءورتتىڭ پاتەرلەردى شارپىپ كەتۋىنە جول بەرىلمەگەن.
”ساعات 06:18 شاماسىندا ءورت ءسوندىرىلدى. ءورت ءسوندىرۋ قىزمەتى كەلگەنگە دەيىن 60 تۇرعىن (ونىڭ ىشىندە 15 بالا) عيماراتتان ءوز بەتىنشە شىعىپ كەتكەن. تجد قىزمەتكەرلەرى 15 ادام ەۆاكۋاتسيالادى، ونىڭ ىشىندە 8 بالا. زارداپ شەككەندەر جوق”، - دەلىنگەن ماڭعىستاۋ وبلىستىق توتەنشە جاعدايلار دەپارتامەنتى تاراتقان حابارلامادا.
ءورتتىڭ سەبەبى انىقتالىپ جاتىر. ورتكە ورانعان «OTYRAR CITY» تۇرعىن ءۇي كەشەنىن «K7 group» قۇرىلىس كومپانياسى قالپىنا كەلتىرەدى.
