استانادا سالىناتىن LRT (جەڭىل رەلستى كولىك) جۇيەسىنىڭ العاشقى ۆاگوندارى قىتايدىڭ تانشان قالاسىندا قۇراستىرىلىپ جاتىر. City Transportation Systems (CTS) كومپانياسىنىڭ مالىمەتىنشە، ءبىرىنشى پارتيادا 19 جىلجىمالى قۇرامعا تاپسىرىس بەرىلگەن، دەپ حابارلايدى "ادىرنا" ۇلتتىق پورتالى.
ۇزىندىعى 60 مەتر بولاتىن بۇل پويىزدار GOA 4 دەڭگەيىندەگى اۆتوماتتاندىرىلعان باسقارۋ جۇيەسىمەن جابدىقتالادى. بۇل جۇيە ەسىكتەردىڭ اۆتوماتتى اشىلۋى مەن جابىلۋىن، توقتاۋ جانە جىلدامدىقتى رەتتەۋدى، دەپوعا كىرۋ جانە شىعۋدى، پويىزداردىڭ جاعدايىن باقىلاۋدى، قاشىقتىقتى رەتتەۋدى قامتاماسىز ەتەدى.
قازىرگى ۋاقىتتا ۆاگون كورپۋستارى اليۋميني قورىتپاسىنان جاسالىپ، دانەكەرلەۋ جۇمىستارى جۇرگىزىلۋدە. كومپانيا وكىلدەرىنىڭ ايتۋىنشا، العاشقى پويىزدار مامىر ايىنىڭ سوڭىنا دەيىن دايىن بولماق.
CTS باسقارۋشى ديرەكتورى ورىنباسار اعىباەۆ قىركۇيەك ايىندا ۆاگوندار استاناعا جەتكىزىلگەننەن كەيىن سىناق كەزەڭى باستالاتىنىن اتاپ ءوتتى.
"تەستىلىك ىسكە قوسۋ – پايدالانۋعا بەرۋدىڭ ماڭىزدى كەزەڭى. بۇل سىناقتار بىرنەشە ايعا سوزىلادى، ونىڭ ناتيجەسىندە LRT جۇيەسىن تولىق ىسكە قوسۋ تۋرالى شەشىم قابىلدانادى", – دەيدى ول.
LRT جۇيەسىنىڭ العاشقى تەستىلىك ىسكە قوسىلۋى 2024 جىلدىڭ قىركۇيەك ايىنا جوسپارلانعان.
