الماتى اكىمى ەربولات دوساەۆ مەدەۋ اۋدانىنىڭ تۇرعىندارىمەن كەزدەسۋىندە 2025-2027 جىلدارى ەكولوگيالىق باعدارلامانىڭ جۇزەگە اسىرىلاتىنىن مالىمدەدى. ونىڭ باستى ماقساتى – اۋانىڭ لاستانۋىن ازايتۋ جانە ەكولوگيالىق قاۋىپسىزدىكتى ارتتىرۋ، دەپ حابارلايدى "ادىرنا" ۇلتتىق پورتالى.
قالا باسشىسىنىڭ ايتۋىنشا، بيىل 1 شىلدە مەن 1 تامىز ارالىعىندا اۆتوتۇراق قۇنى كوتەرىلەدى. بۇل الەمدىك تاجىريبە بويىنشا قالا ورتالىعىنداعى ەسكى كولىكتەردىڭ سانىن ازايتۋعا كومەكتەسەدى.
2026 جىلدىڭ سوڭىنا دەيىن شىعارىندى دەڭگەيى تومەن ايماقتار قۇرۋ جوسپارلانىپ وتىر. 2027 جىلدان باستاپ الماتىدا زاماناۋي ستاندارتتارعا ساي كەلمەيتىن كولىكتەردىڭ بەلگىلى ءبىر ايماقتارعا كىرۋى اقىلى بولادى. بۇل شەكتەۋ ەلەكتروموبيلدەر مەن جاڭا ەكولوگيالىق تازا كولىكتەرگە قولدانىلمايدى.
“مانحەتتەندە ەنگىزىلگەن تولەم جۇيەسى كولىك قوزعالىسىن تومەندەتۋگە اسەر ەتتى. ءبىز دە الماتىدا ينتەللەكتۋالدى كولىك جۇيەسىن سىناقتان وتكىزىپ، سودان كەيىن عانا جاڭا شەكتەۋلەردى ەنگىزەمىز”، – دەدى ەربولات دوساەۆ.
بۇل باستاما قوعامدىق كەڭەس پەن ءماسليحاتتىڭ قاراۋىنا ۇسىنىلادى.
