Almaty ákimi Erbolat Dosaev Medeý aýdanynyń turǵyndarymen kezdesýinde 2025-2027 jyldary ekologııalyq baǵdarlamanyń júzege asyrylatynyn málimdedi. Onyń basty maqsaty – aýanyń lastanýyn azaıtý jáne ekologııalyq qaýipsizdikti arttyrý, dep habarlaıdy "Adyrna" ulttyq portaly.
Qala basshysynyń aıtýynsha, bıyl 1 shilde men 1 tamyz aralyǵynda avtoturaq quny kóteriledi. Bul álemdik tájirıbe boıynsha qala ortalyǵyndaǵy eski kólikterdiń sanyn azaıtýǵa kómektesedi.
2026 jyldyń sońyna deıin shyǵaryndy deńgeıi tómen aımaqtar qurý josparlanyp otyr. 2027 jyldan bastap Almatyda zamanaýı standarttarǵa saı kelmeıtin kólikterdiń belgili bir aımaqtarǵa kirýi aqyly bolady. Bul shekteý elektromobılder men jańa ekologııalyq taza kólikterge qoldanylmaıdy.
“Manhettende engizilgen tólem júıesi kólik qozǵalysyn tómendetýge áser etti. Biz de Almatyda ıntellektýaldy kólik júıesin synaqtan ótkizip, sodan keıin ǵana jańa shekteýlerdi engizemiz”, – dedi Erbolat Dosaev.
Bul bastama qoǵamdyq keńes pen máslıhattyń qaraýyna usynylady.
